Kise Bataen Mohabbat Mein Kya Kiya Maine

kise batā.eñ mohabbat meñ kyā kiyā maiñ ne

banā ke apnā nasheman jalā diyā maiñ ne

ġhurūr-e-ishq ḳhudī aur ābrū-e-vafā

inheñ gañvā ke bahut kuchh bachā liyā maiñ ne

zamāna is ko kahe mai-kashī ki mai-ḳhvārī

tamām umr ḳhud apnā lahū piyā maiñ ne

bujhā ga.ī thī kabhī jis ko be-ruḳhī terī

usī charāġh ko phir se jilā liyā nai

kal us ko dekh ke dil kitnā be-qarār huā

samajh rahā thā ki us ko bhulā diyā maiñ ne

Leave a Comment