Kis Tarah Usko Bulaun Khana-E-Barbaad Mein

kis tarah us ko bulaun khana-e-barbad men

dil taassur chahta hai be-sada fariyad men

tirgi-e-khush-guman hai ji jahan lagne lage

sham-e-vahshat ik jalaun is jahan-e-shad men

janti huun ye hikayat fasl-e-barbadi ki hai

par mata-e-dil yahi hai sina-e-nashad men

vo misal-e-khvab-e-rangin ab kahan maujud hai

so rahi huun main abhi tak khvab-gah-e-yad men

rishta-e-mubham ko phir se jodti hai soch ik

dil usi ko DhunDhta hai ek khvab-abad men

khush-nigahi us harif-e-jan ki yuun achchhi lage

main tadapna bhi na chahun panja-e-sayyad men

is gham-e-vahshat-zada ka chara-ju koi nahin

imtihan-e-zabt hai ik is kharab-abad men

har hisar-e-khush-numa ko todti jaati huun main

ek khu-e-dasht-gardi hai miri buniyad men

Leave a Comment