kis ne kaha kisi ka kaha tum kiya karo
lekin kahe koi to kabhi sun liya karo
har aarzu fareb hai har justuju sarab
machle jo dil bahut use samjha diya karo
yuun chup raha kare se to ho jaae hai junun
zakhm-e-nihan kured ke kuchh ro liya karo
haan shahr-e-arzu tha kabhi ye ujaad ghar
ab khandaron se is ki kahani suna karo
is na-shunidani se to behtar hai chup raho
hai kya zarur sikhva-e-be-faeda karo
uth kar chale gae to kabhi phir na aenge
phir laakh tum bulao sadaen diya karo
naale ubal rahe hon to rasta bhi chahiye
‘bilqis’ gaahe gaahe ghazal kah liya karo
Leave a Reply