Ghulam Husain Sajid
kis ne di avaz ”sipar ki oT men tha”
mera sar to us ke sar ki oT men tha
main ne saat parinde uḌte dekhe the
ek parinda aur shajar ki oT men tha
maidanon shahron men log salamat hain
marne vaala apne ghar ki oT men tha
yuun jaagi hai aag sabhi dalanon men
jaise koi haath sharar ki oT men tha
kyuun anhken ummidon ki mehman rahin
shayad koi ḳhvab safar ki oT men tha
aaj khula dushman ke pichhe dushman the
aur vo lashkar is lashkar ki oT men tha
‘sajid’ aaj hunar hai us ke saa.e men
lekin kal fankar hunar ki oT men tha
Leave a Reply