insha-allah-khan-insha

Kinaya Aur Dhab Ka Is Meri Majlis Mein Kam Kije

kinaya aur Dhab ka is miri majlis men kam kiije

aji sab taad javenge na aisa to sitam kiije

tumhare vaste sahra-nashin huun ek muddat se

basan-e-ahu-e-vahshi na mujh se aap ram kiije

maharajon ke raaja ai junun DanDvat hai tum ko

yahi ab dil men aata hai koi pothi raqam kiije

gale men Daal kar zunnar qashqa khinch mathe par

barahman baniye aur tauf-e-dar-e-bait-us-sanam kiije

kahin dil ki lagavat ko jo yuun sujhe ki tak ja kar

qadimi yaar se apne bhi khalta koi dam kijiye

tu ungli kaat danton men phula nathune ruhandi ho

laga kahne bas ab mere budhape par karam kiije

phadakta aaj bhi ham ko na parson ki tarah rakhiye

khuda ke vaste kuchh yaad vo agli qasam kiije

malang aapas men kahte the ki zahid kuchh jo bole to

ishara us ko jhat su-e-nar-angusht-e-shikam kiije

kabhi khat bhi na likh pahuncha padhaya aap ko kis ne

ki alqat dosti ‘insha’ se aisi yak-qalam kijiye

More Poems

Leave a Comment