kin avazon ka sannaTa mujh men hai
jo kuchh bhi tujh men hai ya mujh men hai
teri ankhen meri ankhen lagti hain
soch raha huun kaun ye tujh sa mujh men hai
har mausam ne tere dar par dastak di
aḳhiri dastak dene vaala mujh men hai
dil ki miTTi lahu bana kar chhoḌega
ye jo kanch ka chalta TukḌa mujh men hai
jis dariya ka ek kinara vo ankhen
us dariya ka ek kinara mujh men hai
khilta hai vo phuul abhi ik khiḌki men
jis ko aḳhir-kar mahakna mujh men hai
jin ankhon ki jhilen kanval khilati hain
rang sunahra un jhilon ka mujh men hai
Leave a Reply