Raj Kaushik
ki jis men mohabbat zaruri nahin hai
mujhe vo ibadat zaruri nahin hai
main be-intiha chahta huun usi ko
kare vo mohabbat zaruri nahin hai
mujhe tu hi tu yaad aata rahe bas
ziyada inayat zaruri nahin hai
use dekh kar hi mera kaam chalta
mujhe ab ibadat zaruri nahin hai
mohabbat se hi jaan leta hai aksar
kisi se adavat zaruri nahin hai
samajhna ḳhudi ko paḌega sabhi kuchh
vo de kuchh hidayat zaruri nahin hai
mujhe har qadam par hai us ki zarurat
ho us ko zarurat zaruri nahin hai
dilon pe kare ‘raaj vo shaah aisa
kahin ho riyasat zaruri nahin hai
Leave a Reply