Poet
ḳhvahish hamare ḳhuun ki labrez ab bhi hai
kuchh narm paḌ ga.i hai magar tez ab bhi hai
is zindagi ke saath buzurgon ne di hamen
ik aisi maslahat jo shar-angez ab bhi hai
halanki iztirab hai zahir sukun se
kya kiije us ka lahja dil-avez ab bhi hai
muddat hui shabab ke charche the shahr men
vo za.afrani rang sitam-ḳhez ab bhi hai
‘ash.har’ bahut si pattiyan shaḳhon se chhin ga.iin
tafsir kya karen ki hava tez ab bhi hai
Leave a Reply