Poet
jis ne aadam ke ta.iin jaan baḳhsha
ḳhizr ko chashma-e-haivan baḳhsha
pir-e-kan.an ko diya dard-e-firaq
yusuf-e-misr ko zindan baḳhsha
taḳht barbad sulaiman ka kiya
dev ko mulk-e-suleman baḳhsha
zinat aflak ko di anjum se
mahr ko nur-e-daraḳhshan baḳhsha
zevar-e-husn kiya chashm-e-haya
ishq ko dida-e-hairan baḳhsha
kohkan ko kamar-e-koh diya
qais ko dasht ka daman baḳhsha
rang-o-bu gul ko diya gulshan men
sair-e-bulbul ko gulistan baḳhsha
kufr kafir ke nasibon men likha
ahl-e-islam ko iman baḳhsha
roz-e-misaq men ‘hatim’ ke ta.iin
chashm-e-giryan dil-e-biryan baḳhsha
Leave a Reply