Akhtar Ansari
ḳhvahish-e-aish nahin dard-e-nihani ki qasam
bul-havas khaya karen ishrat-e-fani ki qasam
ik gham-angez haqiqat hai hamari hasti
qissa-ḳhvan teri gham-angez kahani ki qasam
dil ki gahraiyon men aag dabi rakhta huun
chashm-e-giryan se baraste hue paani ki qasam
jab se aai hai ḳhuda rakkhe javani ‘aḳhtar’
ham har ik baat par khate hain javani ki qasam
Leave a Reply