KHwab-Zadon Ka Dukh Zamini Hai

ḳhvāb-zādoñ kā dukh zamīnī hai

ye haqīqat baḌī kamīnī hai

ai ḳhudā-e-gumāñ koī tajvīz

ma.arka ab koī yaqīnī hai

pattharoñ ke mizāj meñ shāmil

ābgīnoñ pe nukta-chīnī hai

vo mare sāmne se uTh jaa.e

jis kā maqsad tamāsh-bīnī hai

ghar kī taz.īn meñ sar-e-fehrist

ek aurat kī nukta-chīnī hai

ek pal ke jamāl meñ yakjā

ka.ī sadiyoñ kī dil-nashīnī hai

Leave a Comment