ahmad-kamran

Khwab Yun Hi Nahin Hote Pure

khvab yuun hi nahin hote puure

jan-o-tan lagte hain puure puure

raas aaegi mohabbat us ko

jis se hote nahin vaade puure

chhod aae tire hisse ke dost

ham ne manzar nahin dekhe puure

guftugu hosh-ruba hai us ki

us ki baten hain sahife puure

hijr aur raat taqabul men hain

ashk puure ki sitare puure

yaad huun aadha sa khud ko ‘ahmad’

naqsh aine men kab the puure

More Poems

Leave a Comment