Yashab Tamanna
ḳhvab ta.abir men badalta hai
us men lekin zamana lagta hai
jab use chahaten mayassar hon
ḳhud-baḳhud aadmi badalta hai
pahle ye dil kahan dhaḌakta tha
ab har ik baat par dhaḌakta hai
haan miri ḳhvahishen ziyada hain
haan vo is baat ko samajhta hai
sar-ba-sar vasl ki tamanna men
vo badan ruuh men utarta hai
raat bhi ban-sanvar ke aati hai
din bhi utra ke ab nikalta hai
ho ke said-e-gham-e-jahan ye khula
gham se ik rasta nikalta hai
Leave a Reply