Waqas Yusuf
ḳhushiyan yaad nahin hain aur gham yaad nahin
kaisa hamdam hai jis ko ham yaad nahin
ek arse se bhula hua huun main us ko
huiin thiin meri ankhen kab nam yaad nahin
ham to azal se tanha the so tanha hain
gham vo mile hain ḳhushi ka aalam yaad nahin
jis men phuul khila karte hain ulfat ke
kya tum ko vo pyaar ka mausam yaad nahin
kaise junun ne ghera Daala gird mire
jo tum ne apna.e vo gham yaad nahin
is andaze se ujḌa ye baagh ‘vaqas’
jis dam men tha dam ab vo dam yaad nahin
Leave a Reply