Sultan Rashk
ḳhushiyan na chhoḌ apne liye gham talab na kar
ai ham-nashin yahan koi mahram talab na kar
kin hijraton ke ba.ad hua hai ye mo’atabar
parvardigar mujh se mira gham talab na kar
kuchh aur zaḳhm kha ki mile manzil-e-murad
lamhon se apne zaḳhm ka marham talab na kar
ai dil kisi se mil ke bichhaḌne men fa.eda
muzmar hai jo visal men vo sam talab na kar
Takra na mujh ko meri ana ke pahaḌ se
mere liye vo sa.at-e-barham talab na kar
Leave a Reply