Khushi Kya Ho Jo Meri Baat Wo But Man Jata Hai

khushi kya ho jo meri baat vo but maan jaata hai

maza to behad aata hai magar iman jaata hai

banun council men speaker to rukhsat qirat-e-misri

karun kya membari jaati hai ya quran jaata hai

zaval-e-jah o daulat men bas itni baat achchhi hai

ki duniya men ba-khubi aadmi pahchan jaata hai

nai tahzib men diqqat ziyada to nahin hoti

mazahib rahte hain qaaim faqat iman jaata hai

theater raat ko aur din ko yaron ki ye spēchen

duhai laat sahab ki mira iman jaata hai

jahan dil men ye aai kuchh kahun vo chal diya uth kar

ghazab hai fitna hai zalim nazar pahchan jaata hai

chunan burdund sabr az dil ke qisse yaad aate hain

tadap jaata huun ye sun kar ki ab iman jaata hai

Leave a Comment