Khushi Ka Lamha Ret Tha So Hath Se Nikal Gaya

khushi ka lamha ret tha so haath se nikal gaya

vo chaudhvin ka chand tha andheri shab men Dhal gaya

hai vasf us ke paas ye badal sake har ek shai

so mujh ko bhi badal diya aur aap bhi badal gaya

machal raha tha dil bahut so dil ki baat maan li

samajh raha hai na-samajh ki daav us ka chal gaya

ye daud bhi ajiib si hai faisla ajib-tar

ki fateh-e-hayat vo jo gir ke phir sambhal gaya

samajh liya aham nahin main us ke vaste magar

nazar phir us se mil gai ye dil ki phir bahal gaya

ajiib mera aks tha utar ke us ki aankh men

sanvara mujh ko is tarah ki aaina hi jal gaya

Leave a Comment