ḳhushbu ka jism yaad ka paikar nahin mila
dil jis se ho shagufta vo manzar nahin mila
aḳhir bujhata kaise vo apni lahu ki pyaas
talvar mil ga.i to koi sar nahin mila
nagah doston ki taraf uTh ga.i nigah
jab dushmanon ke haath men ḳhanjar nahin mila
phirta huun kab se naqd-e-dil-o-jan liye hue
main vo saḳhi huun jis ko gadagar nahin mila
‘tahir’ miTega kaise ye be-chehragi ka gham
vo sang huun jise koi aazar nahin mila
Leave a Reply