Jigar Barelvi
ḳhuda ko bhi nahin dil manta hai
mohabbat hi mohabbat janta hai
kahin ho laḌ hi jaati hain nigahen
vo dil ko dil use pahchanta hai
kalid-e-bagh us ke baḳht men hai
paḌa jo ḳhak-e-sahra chhanta hai
dayar-e-gham hai fir.aunon ki basti
koi kis ko yahan gardanta hai
kal us se puchh lenge haal hai kya
bahut jo aaj siina tanta hai
kahin se DhunD kar laao ‘jigar’ ko
ilaj-e-dard-e-dil vo janta hai
Leave a Reply