kya rafu ho zindagi sozan juda dhage alag
ḳhvahish-e-dil alam-e-imkan se laage alag
soch ye bhi tu kabhi ai juzv-e-takmil-e-vajud
jism ho kya mo’atabar saaya jahan laage alag
kar-e-la-hasil nahin thi vaqt ki baḳhiya-gari
par zamana kar raha hai zaḳhm se dhage alag
manzil-e-hasti talak to saath ke imkan the
yuun bhi ho jaana tha ja kar ik zara aage alag
shauq-e-zeba.ish men ham ko fikr le aa.i jahan
ḳhaak ka putla jamal-e-ḳhak se laage alag
kya yahi hai aankh ki vaadi men basne ka samar
do parinde umr bhar taḌpe alag jaage alag
ḳhaliq-e-husn-e-taḳhayyul huun Thikana hai mira
alam-e-sat.h-e-nazara se zara aage alag
Leave a Reply