ḳhuda ḳhuda kar ke aae bhi vo to munh lapete pade hue hain
na kahte hain kuchh na sunte hain kuchh kasi se jaise lade hue hain
hazar-ha mannaten karenge lipat ke qadmon pe sar dharenge
na jaane denge na jaane denge abas vo bigde khade hue hain
saval karte hain mujh se kya kya pae-ḳhuda mere rahbar aa
pada main takta huun tera rasta nakir-o-munkir khade hue hain
rahi jo un se tumhen kudurat to badh ga.i vahshiyon ki vahshat
udaa.i is darja ḳhak-e-hasrat kamar kamar tak gade hue hain
idhar to jiine se ham hain aari udhar mangate ho tum savari
ye kaisi hain garmiyan tumhari phaphule dil men pade hue hain
farebi ankhen rasili chitvan ada ishara nigah rahzan
ye apne do tiin hain jo dushman nazar men anjum tade hue hain