dariya ki taraf dekh lo ik baar mire yaar
ik mauj ki kahti hai mire yaar mire yaar
virani-e-gulshan pe hi ma.amur hai mausam
miTTi se nikalte nahin ashjar mire yaar
kya ḳhaak kisi ghair pe dil ko ho bharosa
apne bhi hue jaate hain aghyar mire yaar
maqtal si faza rahti hai is mulk men har-dam
dekhe hain manazir ka.i ḳhun-bar mire yaar
ham ḳhak-nashinon ki yahan kaun sunega
unche hain bahut ḳhvab ke darbar mire yaar
dekho ye chalan Thiik nahin ishq men hargiz
va.ade se mukar jaate ho har baar mire yaar
do chaar hi alfaz mohabbat se bhare hon
to dasht ko kar dete hain gulzar mire yaar
‘hassan’ javan ḳhuub tiri mashq-e-suḳhan hai
har roz kahe jaate ho ash.ar mire yaar
Leave a Reply