ḳhuda ke aage jab fariyad rakhna
duaon men hamen bhi yaad rakhna
hamin ko sochna raton men aksar
haveli yaad ki abad rakhna
koi mushkil agar ho sha.iri men
to phir usman sa ustad rakhna
gavahi ek ho ḳhali ḳhuda ki
kisi kaase men jab imdad rakhna
sabaq paḌhna agar hon zindagi ke
hamesha vaqt ko ustad rakhna
chale ho tum ye kya ijad karne
koi asan nahin buniyad rakhna
Leave a Reply