Aas Fatmi
khud se main be-yaqin hua hi nahin
asman tha zamin hua hi nahin
ishq kahte hain sab jise ham se
vo gunah-e-hasin hua hi nahin
vasl bhi us ka us ke jaisa tha
jo guman se yaqin hua hi nahin
khana-e-dil sara ki surat hai
koi is men makin hua hi nahin
laakh chaha magar sukhan mera
qabil-e-afrin hua hi nahin
main bhi khud ko sanvarta ‘mohsin’
aaina nukta-chin hua hi nahin
Leave a Reply