ada-jafarey

Khud Hijabon Sa Khud Jamal Sa Tha

khud hijabon sa khud jamal sa tha

dil ka aalam bhi be-misal sa tha

aks mera bhi ainon men nahin

vo bhi kaifiyat-e-khayal sa tha

dasht men samne tha khema-e-gul

duriyon men ajab kamal sa tha

be-sabab to nahin tha ankhon men

ek mausam ki la-zaval sa tha

khauf andheron ka Dar ujalon se

saneha tha to hasb-e-hal sa tha

kya qayamat hai hujla-e-jan men

us ke hote hue malal sa tha

jis ki janib ‘ada’ nazar na uthi

haal us ka bhi mere haal sa tha

More Poems

Leave a Comment