KHud Ghalat Wo Qaul-O-Feal Un Ka Ghalat

ḳhud ġhalat vo qaul-o-fe.al un kā ġhalat

ḳhat ġhalat inshā ġhalat imlā ġhalat

ro diyā sachche ne jhūTe ke huzūr

jo sahīh dar-ast thā Thahrā ġhalat

dair kī lī raah masjid chhoḌ kar

āshiq-e-but kar gayā rasta ġhalat

baat peshānī kī pesh aatī hai yaar

ho na qismat kā kabhī likkhā ġhalat

ḳhat hai tuutī aa.ina hai rū-e-yār

ai ‘vaqār’ is meñ nahīñ aslā ġhalat

Leave a Comment