ḳhuub thiin mai-kade ki faza.en
rah ga.iin chhaT ke gham ki ghaTa.en
maut imdad ko aa chuki hai
un se kah do ki vo ab na aa.en
sho.ala-e-husn se kya bachega
daman-e-dil ko ham kya bacha.en
hashr Dhati hai jumbish nazar ki
fitna-gar hain kisi ki ada.en
sochte hain ki us bevafa ko
yaad rakkhen ki ham bhuul jaa.en
hadsat-e-jahan tauba tauba
uTh ga.iin hain jahan se vafa.en
dil men abad hai ek duniya
aap mahrumiyon par na jaa.en
gosha-e-dil se ‘parvez’ ab tak
aa rahi hain kisi ki sada.en
Leave a Reply