ḳhuub thi vo ghaḌi ki jab donon the ik hisar men
main tha tire ḳhumar men tu tha mire ḳhumar men
nuur se mire ishq ke nikhre the is ke ḳhadd-o-ḳhal
rang tha mire ḳhvab ka aks jamal-e-yar men
go thi kashish hamare beach baare baham na ho sake
main tha alag madar men vo tha alag madar men
ḳhvahish-e-vasl-e-yar to puuri na ho saki magar
dasht-e-hayat kaT gaya vahshat-e-intizar men
marzi se kab hua koi ishq-e-butan men mubtala
kaun ye rog palta hota jo iḳhtiyar men
naghme ḳhushi ke kis tarah gaa.e vo bulbul-e-nazar
jis ka chaman ujaḌ gaya yaaro bhari bahar men
Leave a Reply