Parnav Mishra Tejas
khoya hua dimagh hai vahshat hai aur tu
duniya ke chand log hain zulmat hai aur tu
ujḌe hue dayar men ḳhvabon ki raakh par
be-rahm si ummid ki zinat hai aur tu
mujh ko shab-e-firaq men achchha hi lag raha
nashsha hai marg-e-yas ka rahat hai aur tu
dariya ki pyaas pyaas thi saghar se bujh ga.i
lekin hamari pyaas men kulfat hai aur tu
shauq-e-visal dekh ke nikle hain jism se
jaana nahin udhar ke jidhar chhat hai aur tu
Leave a Reply