Kho Kar Teri Gali Mein Dil-E-Be-KHabar Ko Main

kho kar tirī galī meñ dil-e-be-ḳhabar ko maiñ

fikr-e-ḳhudī se chhūT gayā umr bhar ko maiñ

sāzish ba-qadr-e-rabt thī tuur o jamāl meñ

samjhā huuñ aaj uqda-e-sañg-e-sharar ko maiñ

ab hai to mustaqil ho faroġh-e-shab-e-visāl

aisā na ho charāġh jalā.ūñ sahar ko maiñ

sahrā se baar baar vatan kaun jā.egā

kyuuñ ai junūñ yahīñ na uThā lā.ūñ ghar ko maiñ

jhūmā kyā surūr se ‘sīmāb’ raat bhar

dekhā kiyā kisī kī nashīlī nazar ko maiñ

Leave a Comment