poet

Khizan Tanha Na Sair-E-Bostan Ko Ja Bigad Aai

khizan tanha na sair-e-bostan ko ja bigad aai

saba bhi chal ke vaan ai bulbulo phulon ko jhaad aai

shab-e-bimar ya kaali bala ya raat kaali hai

qayamat aai ya chhati pe ye hijran pahad aai

jo aaya yaar to tu ho chala ghash ai divane dil

isi dam tujh ko marna tha bata kya tujh ko dhaad aai

masal hai bar-mahal ai ‘azfari’ jo ki gaya koi

hamari baar ko gul chhad gae kanton ki baad aai

More Poems

Leave a Comment