Muneer Niyazi
munh dho kar jab us ne mud kar meri janib dekha
mujh ko ye mahsus hua jaise koi bijli chamki hai
ya jangal ke andhere men jaadu ki anguthi damki hai
sabun ki bhini khushbu se mahak gaya dalan
uf un bhigi bhigi aankhon men dil ke arman
motiyon jaise danton men vo gahri surkh zaban
dekh ke gaal pe nakhun ka maddham sa laal nishan
koi bhi hota meri jagah par ho jaata hairan
Leave a Reply