Rashmi Saba
ḳhizan bula.e magar roke hain bahar mujhe
main Thahri rut huun kabhi aa ke tu guzar mujhe
main aks thi to tiri dastaras se bahar thi
hui huun ruup to hasil huun ab nikhar mujhe
main Dhal chuki huun kisi sanche men bahut pahle
na aur banne ki kuchh chaak se utaar mujhe
na jaane kitne na.e rang mujh men ugte hain
vo ek lams bana deta hai bahar mujhe
main hijraton ke ka.i dasht paar kar aa.i
ai mujh se bichhḌi zamin ab to tu pukar mujhe
Leave a Reply