ḳhilaf-e-hangama-e-tashaddud qadam jo ham ne baḌha diye hain
baḌe baḌe baniyan-e-jaur-o-sitam ke badhiye biTha diye hain
ḳhayali ghunche khila diye hain ḳhayali gulshan saja diye hain
na.e madari ne do hi din men tamashe kya kya dikha diye hain
koi to hai be-ḳhud-e-ta.ayyush koi hai mahv-e-husul-e-sarvat
khilaune hathon men rahbaron ke ye kis ne la kar thama diye hain
vatan men sham-o-sahar jo hoti hai parvarish shaiḳh o barhaman ki
yatim-ḳhana men in yatimon ke naam kis ne likha diye hain
ye shaiḳh hain aur ye barhaman hain ye vaa.iz o sadr-e-anjuman hain
zamana pahchanta hai sab ko har ik pe lebal laga diye hain
jafa-shi.aron men shayad aa jaa.e is tarah kuchh asar vafa ka
manga ke murghiyon ke anDe baton ke niche biTha diye hain
Leave a Reply