Khalid Shirazi
khil uThe phuul mahak mujh ko hava se aa.i
abr ke ruup men bilqis saba se aa.i
kaan ke saath khuli aankh ki putli lekin
koi tasvir ubhar ke na sada se aa.i
reg-e-sahil ki tab-o-tab ki dushman Thahri
lahr jo bhi pas-e-divar-e-hava se aa.i
da.imi kar liya us ko ki sar-e-arsa-e-shab
dil ko jo sa.at-e-gham dene dilase aa.i
jo tamanna kabhi aa.i na thi lab par ‘ḳhalid’
aaj ḳhuun ho ke rahi dida-e-va se aa.i
Leave a Reply