Poet
khiḌkiyon par malgaje saa.e se lahrane lage
shaam aa.i phir gharon men log ghabrane lage
shahr ka manzar hamare ghar ke pas-e-manzar men hai
ab udhar bhi ajnabi chehre nazar aane lage
dhuup ki qashen hare maḳhmal pe zau dene lagin
saa.e kamron se nikal kar sehn men aane lage
jugnuon se saj ga.iin rahen kisi ki yaad ki
din ki chaukhaT par musafir shaam ke aane lage
bundiyan barsin hava ke badban bhi khul ga.e
niile piile pairahan saḌkon pe lahrane lage
sochte hain kaaT den angan ke peḌon ko ‘shafaq’
ghar ki baten ye gali-kuche men phailane lage
Leave a Reply