Jala Bala Hun Giraftar-E-Haal Apna Hun

jala bala huun giraftar-e-hal apna huun

ba-rang-e-shama sarapa vabal apna huun

is ashk-e-surkh o rukh-e-zard se samajh le tu

bayan kya karun khud arz-e-hal apna huun

qarar pakde mire dil men kab kisi ki shakl

ba-rang-e-aina mahv-e-jamal apna huun

na mahtab huun ne aftab huun ya-rab

ye kya sabab hai ki aaphi zaval apna huun

jahan-e-khvab-e-tamasha jahan ka sab khvab

khayal khuub kiya to khayal apna huun

ba-rang-e-naqsh-e-qadam main pada huun dar pe tire

na paemal kar ai naunihal apna huun

rah-e-suluk men ‘joshish’ kisi ka mazra-e-dil

jo paemal karun paemal apna huun

Leave a Comment