Akhtar Shirani
khayalistan-e-hasti men agar gham hai khushi bhi hai
kabhi ankhon men aansu hain kabhi lab par hansi bhi hai
inhi gham ki ghataon se khushi ka chand niklega
andheri raat ke parde men din ki raushni bhi hai
yunhi takmil hogi hashr tak tasvir-e-hasti ki
har ik takmil akhir men payam-e-nesti bhi hai
ye vo saghar hai sahba-e-khudi se pur nahin hota
hamare jam-e-hasti men sarishk-e-be-khudi bhi hai
Leave a Reply