ḳhayal-e-yar ka sikka uchhalne men gaya
junun ḳharita-e-zar tha sambhalne men gaya
lahu jigar ka hua sarf-e-rang-e-dast-e-hina
jo sauda sar men tha sahra khangalne men gaya
gurez-pa tha bahut husn-para-e-hasti
so arsa umr ka zanjir Dalne men gaya
nihal yadon ki chandi men shab to din saara
kisi ke zikr ka sona uchhalne men gaya
thi dast-gah bayan par magar kamal-e-hunar
gham-e-hayat ke qisson ko Talne men gaya
Leave a Reply