na tahriri shavahid na zabani
bhala kis kaam ki aisi javani
ye jitni ne.amaten di hain ḳhuda ne
ye parcha hai hamara imtihani
kabhi vo bhi the is duniya ki raunaq
vo sab jo ho ga.e hain an-jahani
hamen tha ishtiyaq-e-vasl lekin
hamare shauq se un ko girani
ye kya zehnon pe karte ho hukumat
karo dil par kisi ke hukmarani
udhar kirdar par taari kuhulat
magar baton men shiddat ki ravani
mohabbat pesh-qadmi chahti hai
kabhi tum bhi mire ghar aao jaani
muqabil fauj tufanon ki ‘aqib’
idhar kashti hamari badbani
Leave a Reply