Khalid Ahmad
ḳhauf-zada the kaun se log in sher-dileron se
koi to itna puchhe in miTTi ke Dheron se
din ke des se uḌ aate hain meri ankhon men
saath nibhana bhuul ga.e the rang andheron se
tiir chalane vaale ghar kya lauT bhi pa.enge?
kya ye panchhi dam de denge duur baseron se
shaam ka tara, sub.h ka pahla taara Thahrega
hajla-e-vasl men raat rahegi, baat saveron se
koi apne ghar ka rasta bhuul saka hai kabhi?
kya jaane kyuun uḌ uḌ jaa.en kaag munDeron se
ḳhaak uḌe to mere hathon meri ḳhaak uḌe
mujh ko Dar lagta hai, sanpon aur saperon se
mujh ko janne vaale ‘ḳhalid’ jaan na pa.enge
is chakkar men nikla huun main, kitne pheron se
Leave a Reply