Anwar Shuoor
ḳhatm har achchha bura ho ja.ega
ek din sab kuchh fana ho ja.ega
kya pata tha dekhna us ki taraf
hadsa itna baḌa ho ja.ega
muddaton se band darvaza koi
dastaken dene se va ho ja.ega
hai abhi tak us ke aane ka yaqin
jaise koi mo.ajiza ho ja.ega
muskura kar dekh lete ho mujhe
is tarah kya haq ada ho ja.ega
kaash ho jaao mire ham-rah tum
varna koi dusra ho ja.ega
kal ka va.ada aur is bohran men?
jaane kal duniya men kya ho ja.ega
rang la.ega shahidon ka lahu
zulm jab had se siva ho ja.ega
aap ka kuchh bhi na ja.ega ‘shu.ur’
ham gharibon ka bhala ho ja.ega
Leave a Reply