Poet
ḳhat ki ruḳhsar par syahi hai
chashm-e-ḳhvabida ḳhush-nigahi hai
ishq ka hai ghubar-e-nala uruuj
asman auj-e-taḳht-e-shahi hai
kyuun na ho andalib garm-e-fughan
bu-e-gul har taraf ko raahi hai
ashk-e-hasrat hai aaj tufan-ḳhez
kashti-e-chashm ki tabahi hai
huun giraftar aap apna main
halqa-e-fals dam-e-mahi hai
chashm-e-janan ka ro.ab abru hai
tegh se saulat-e-sipahi hai
marg mera hai zabt-e-girya ‘vaqar’
aab ab-e-hayat-e-mahi hai
Leave a Reply