Shakeel Haidar
ḳhamushi jis dam faza men raqs farmane lagi
phuul par shabnam ke girne ki sada aane lagi
mahv-e-hairat hai nigah-e-shauq bhi ye dekh kar
un ke sar pe dhuup aa.i aur ghaTa chhane lagi
garmi-e-lab ki zarurat jab paḌi ruḳhsar ko
chashm-e-pur-nam hasraton ki aag barsane lagi
rakh diye taqdir ke saare sitare toḌ kar
jab haqiqat aa.ina qismat ko dikhlane lagi
ratjagon ke dasht-e-vahshat men bhaTakti rah ga.i
niind bhi ankhon ke dar pe aa ke pachhtane lagi
is qadar tarikiyan hain raushni ke ruup men
tirgi tira-sifat hone pe sharmane lagi
umr bhar karti rahi manzil hamari justuju
jab nazar ke samne aa.i to katrane lagi
din bhi saare ek jaise raat bhi yaksan ‘shakil’
is tarah jiine se ab to ziist uktane laggi
Leave a Reply