ḳhamoshiyon men bahut se saval laaya hai
shikayaton ke liye ruḳh nikal laaya hai
ye keh ke us ne mujhe hairaton men Daal diya
vo mere biite hue mah-o-sal laaya hai
zara si der men sadiyon ka ban gaya zamin
ye kis mizaj ka harf-e-kamal laaya hai
ab us ke aage tumhen hairaten bata.un bhi kya
ḳhushi ka lamha bhi ranj-o-malal laaya hai
mujhe pata na chala ye ki mera mohsin bhi
varaq pe sone ke likh kar zaval laaya hai
bisat-e-ishq men ‘aslam’ ye kaise maat hui
kahan kahan se vo mohre nikal laaya hai
Leave a Reply