KHamoshi Kalam Ho Gai Hai

ḳhāmoshī kalām ho ga.ī hai

kyā husn-e-payām ho ga.ī hai

ab chhoḌ do tazkira vafā kā

ye baat bhī aam ho ga.ī hai

yaad aa.ī sahar ko raat kī baat

ik aan meñ shaam ho ga.ī hai

ab pūchh na chashm-e-shauq kā haal

TuuTā huā jaam ho ga.ī hai

jis shai pe paḌī haiñ terī nazreñ

kyā ālī-maqām ho ga.ī hai

laa.ī hai nasīm kis kā paiġhām

kyuuñ tez-ḳhirām ho ga.ī hai

Leave a Comment