Muzaffar Abdali
ḳhalvat-e-jan se chali baat zaban tak pahunchi
koi chingari angeThi se dhuan tak pahunchi
raaz o asrar ke khulne ki tavaqqo thi kise
ik kahani thi kisi tarah bayan tak pahunchi
rah-guzar ka hai taqaza ki abhi aur chalo
ek ummid jo manzil ke nishan tak pahunchi
ba.is-e-rahat-o-gham lutf-e-karam tha varna
jitni ḳhvahish thi faqat suud o ziyan tak pahunchi
tu ne parda na haTaya mujhe taskin na hui
bandagi haar ke phir ku-e-butan tak pahunchi
Leave a Reply