KHalish-E-Nihan Ki Wo Lazzaten Tumhein Yaad Hon Ki Na Yaad Hon

ḳhalish-e-nihan ki vo lazzaten tumhen yaad hon ki na yaad hon

vo nafas nafas men qayamaten tumhen yaad hon ki na yaad hon

kabhi qurbaton men ye duriyan ki zaban dil ki na kah sake

kabhi duriyon men bhi qurbaten tumhen yaad hon ki na yaad hon

vo junun-e-shauq ki mastiyan vo niyaz-o-naz ki garmiyan

vo nazar nazar men hikayaten tumhen yaad hon ki na yaad hon

kabhi shikva-ha-e-itab men bhi hazar shukr ki jhalkiyan

kabhi shukr men bhi shikayaten tumhen yaad hon ki na yaad hon

vo tumhara ‘shariq’-e-be-nava ki nahin hai jis ka koi yahan

vo vafa ki us ki hikayaten tumhen yaad hon ki na yaad hon