Poet
khaḌa huun dhuup men saa.e ki justuju bhi nahin
ye kya sitam hai ki ab teri aarzu bhi nahin
mujhe to aaj bhi tujh par yaqin hai lekin
tire dayar men insan ki aabru bhi nahin
abhi to mai-kada viran dikha.i deta hai
abhi to vajd men paimana-o-subu bhi nahin
tiri nigah men chahat kahan talash karun
tiri sarisht men shayad vafa ki ḳhu bhi nahin
bas ik ta.alluq-e-ḳhatir ka paas hai varna
to ḳhub-ru sahi par itna ḳhub-ru bhi nahin
chamak uThe na tire ruḳh pe dagh-e-rusva.i
ye chaak vo hai ki sharminda-e-rafu bhi nahin
yaqin jaan ki tera vajud hai mujh se
ye maan le ki agar main nahin to tu bhi nahin
Leave a Reply