Sufi

Khabar Bhi Hai Ye Khirad Aag Ke Putle Junun Ke Zer-e-Asar Rahe Hain

khabar bhi hai ye khirad aag ke putle junun ke zer-e-asar rahe hain

saron pe suraj uthane vaale khud apne saae se Dar rahe hain

sukun se marte hain marne vaale jinhen ujalon ki hai tamanna

yahi bahut hai ki su-e-maqtal charagh-e-sham-o-sahar rahe hain

unhen bharosa do zindagi ka jinhen mohabbat hai zindagi se

ajal ke ham naqsh-e-pa pe chal kar fana ki had se guzar rahe hain

rah-e-vafa men jo badh chuke hain vo paanv pichhe na hat sakenge

tum apne hadd-e-sitam se guzro hamen jo karna hai kar rahe hain

bajae zahrab kis ne saaqi bhare hain amrit se jam-o-saghar

ki log ab-e-hayat pi kar qaza se pahle hi mar rahe hain

More Poems

Leave a Comment